मुंबई: क्राफ्टनचा लोकप्रिय बॅटल रॉयल गेम Battlegrounds Mobile India (BGMI) भारतात पुनरागमन करत आहे. सुमारे 10 महिन्यांपूर्वी या गेमवर बंदी घालण्यात आली होती. सरकारच्या निर्णयानंतर हा गेम गुगल प्ले स्टोअर आणि अॅपल अॅप स्टोअरवरूनही हटवण्यात आला आहे.
मात्र, आता या गेमचे पुनरागमन होत आहे. गेल्या काही दिवसांपासून यासंबंधीच्या बातम्या येत होत्या, पण आता क्राफ्टनने अधिकृतपणे गेमच्या पुनरागमनाला दुजोरा दिला आहे. BGMI हे दुसरे तिसरे कोणी नसून PUBG Mobile India ची रीब्रँडेड आवृत्ती आहे, जी काही बदलांसह Crafton ने लॉन्च केली होती.
कंपनीनं केली 10 कोटी डॉलरची गुंतवणूक
क्राफ्टन इंडियाचे सीईओ शॉन ह्युनिल सोहन यांनी गेमच्या परतीची माहिती दिली आहे. त्यांनी सांगितले, ‘आम्ही भारतीय अधिकाऱ्यांचे खूप आभारी आहोत, ज्यांनी आम्हाला बॅटलग्राउंड्स मोबाइल इंडिया (BGMI) चे ऑपरेशन पुन्हा सुरू करण्यास मान्यता दिली आहे. गेल्या काही महिन्यांत भारतीय गेमिंग समुदायाने दिलेल्या पाठिंब्याबद्दल आणि संयमासाठी आम्ही त्यांचे आभार मानतो. हे अॅप लवकरच उपलब्ध होणार असल्याचे त्यांनी सांगितले. गेल्या काही वर्षांत, भारत सरकारने 300 हून अधिक अॅप्सवर बंदी घातली आहे, ज्यामध्ये BGMI हे एकमेव अॅप आहे जे पुनरागमन करत आहे. या निर्णयामुळे दक्षिण कोरियाच्या गेमिंग कंपनीला मोठा दिलासा मिळणार आहे. Krafton ने भारतीय स्टार्टअप इकोसिस्टममध्ये 10 कोटी डॉलर गुंतवणूक केली आहे.
गेल्या वर्षी घालण्यात आली होती बंदी
यामुळे भारतातील वेगाने वाढणाऱ्या ई-सपोर्ट इन्डस्ट्रीला चालना मिळेल. सरकारने गेल्या वर्षी या अॅपवर बंदी घातली होती. क्राफ्टनने यापूर्वी दावा केला होता की जुलै 2022 मध्ये BGMI ने 10 कोटी नोंदणीकृत युजर्सचा टप्पा ओलांडला आहे. बंदी येईपर्यंत, हे ॲप भारतीय बाजारपेठेत Android वर उपलब्ध असलेले सर्वाधिक कमाई करणारे Android अॅप होते. हा गेम सुरू झाल्यापासून सातत्याने प्रश्न उपस्थित केले जात होते. कारण, ती UBG Mobile ची रिब्रांडेड व्हर्जन होते आणि त्यात फारसा बदल करण्यात आलेला नाही. त्यामुळे अनेकांकडून त्यावर बंदी घालण्याची मागणी होत होती. क्राफ्टनवरही आरोप करण्यात आला होता की कंपनीने त्याच चिनी अधिकाऱ्यांना कामावर घेतले होते जे PUBG मोबाइल इंडियासाठी काम करत होते.
